8 მაისი წითელი ჯვრისა და წითელი ნახევარმთვარის საერთაშორისო დღეა. ამ დღეს მთელს მსოფლიოში აღნიშნავენ და კიდევ ერთხელ ახსენებენ საზოგადოებას წითელი ჯვრის ისტორიას, როლს, მნიშვნელობას და ფუძემდებლურ პრინციპებს.
სწჯ-ის მიერ დაგეგმილი ღონისძიებები 8 მაისისადმი მიძღვნილი კვირეულის (3-8 მაისი) განმავლობაში განხორციელდება.
2010 წლის აპრილიდან საქართველოს წითელი ჯვრის საზოგადოება (შემდგომში "სწჯს") წითელი ჯვრის საერთაშორისო კომიტეტის (შემდგომში "წჯსკ") ფინანსური და ტექნიკური მხარდაჭერით საქართველოს მასშტაბით ახორციელებს ნაღმის და ომის ფეთქებადი ნარჩენების მსხვერპლთა შესახებ მონაცემების შეგროვებასა და მათი საჭიროებების შეფასებას.
2010 წლის 7-27 აპრილს ჩინეთის წითელი ჯვრის საზოგადოებაში ჩატარდა კატასტროფების მართვის სემინარი, რომელიც მიზნად ისახავდა კატასტროფებზე რეაგირებისათვის აუცილებელი უნარ-ჩვევების გაუმჯობესებას. სემინარში 14 ქვეყნის წარმომადგენლებმა მიიღეს მონაწილეობა, მათ შორის საქართველოს წითელი ჯვრის საზოგადოებიდან.
2010 წლის 26 და 27 აპრილს, საქართველოს წითელი ჯვრის საზოგადოების ორგანიზაციული განვითარების დეპარტამენტმა რესურსების მობილიზების სამსახურთან ერთად თელავის და ახმეტის ფილიალების მოხალისეთათვის ტრენინგი ჩაატარა.
2010 წლის 23-24 აპრილს სწჯს-ის სამუშაო ჯგუფის ვიზიტის ფარგლებში მოლდავეთში, კერძოდ კიშინიოვში მოეწყო შეხვედრა არასამთავრობო ორგანიზაცია "მეორე სუნთქვა"-სა და "ჰელპეიჯ მოლდოვა"-ს ხელმძღვანელობასთან, რომლებიც 10 წელია მოლდავეთის მთავრობასთან და ევროკავშირთან პარტნიორობით ახორციელებენ ხანდაზმულთა სოციალური მხარდაჭერის პროექტებს კიშინიოვსა და მოლდოვეთის სხვა რაიონებში.
2010 წლის 17-25 აპრილს სწჯს-ის სამუშაო ჯგუფი მოლდავეთის ჯანდაცვისა და შრომის სამინისტროს მიწვევით და ბრიტანეთის წითელი ჯვრის საზოგადოების ფინანსური მხარდაჭერით სამუშაო ვიზიტით იმყოფებოდა ქ. კიშინიოვში. სწჯს-ის მიერ გაგზავილი ჯგუფის შემადგენლობაში იყვნენ "უმწეო ხანდაზმულთა სოციალური მხარდაჭერის" პროექტის თანამშრომლები, ადვოკატირებისა და მედია ჯგუფის ლიდერები.
2010 წლის 22 აპრილს საქართველოს წითელი ჯვრის საზოგადოებაში მიმდინარე პროექტის ფარგლებში ,,ფილიალების განვითარება ეფექტური მომსახურების გაწევით", ქ. საგარეჯოში გაიმართა ხანდაზმულთა სოციალური ცენტრის პრეზენტაცია, რომელსაც ესწრებოდნენ ქ. საგარეჯოში მცხოვრები ხანდაზმულები. ზემოაღნიშნული ხანდაზმულები წარმოადგენენ საგარეჯოში სწჯს-სა და ადგილობრივი თვითმართველობის ერთობლივი მინი პროექტის-"ხანდაზმულთა სოციალური ცენტრი" ბენეფიციარებს.
2010 წლის 21 აპრილს სწჯს-ის ცენტრალური ოფისში ჩატარდა საქართველოს წითელი ჯვრის საზოგადოების კატასტროფების მართვის ტრენინგი, რომლის ფარგლებშიც კატასტროფების მართვის ლიდერმა მოხალისეებმა დაინტერესებულ მოხალისეებს გააცნეს კატასტროფების მართვის საფუძვლები.
2010 წლის 15 აპრილს სწჯს-მ ჩაატარა სემინარი წითელი ჯვრის თემატიკაზე საქართველოს თავდაცვის სამინისტროს გენერალური შტაბის თანამშრომლებისათვის. სემინარში შტაბის ოცმა თანამშრომელმა მიიღო მონაწილეობა და სწჯს-ის თანამშრომლებმა მათ მიაწოდეს ინფორმაცია წჯ/წნ საერთაშორისო მოძრაობის და საქართველოს წითელი ჯვრის საზოგადოების შესახებ.
2010 წლის 31 მარტს და 1 აპრილს საქართველოს წითელი ჯვრის საზოგადოების ქუთაისის ფილიალმა კერძო სამედიცინო ცენტრ "ბომონდი"-ს მხარდაჭერით საქველმოქმედო აქცია მოაწყო სწჯს-ის ქუთაისის სოციალური ცენტრის ბენეფიციართათვის.
