2010 წლის 2 - 12 აგვისტოს ჩათვლით საქართველოს წითელი ჯვრის საზოგადოების ოთხმა მოხალისემ და ახალგაზრდული სამსახურის ოფიცერმა თურქეთის წითელი ნახევარმთვარის მიერ ორგანიზებულ საერთაშორისო საზაფხულო ბანაკში მიიღო მონაწილეობა, რომელიც მოეწყო ქალაქ ბურსაში.

2010 წლის 5 აგვისტოს სასტუმროში რადისონ ბლუ ივერია მოეწყო შეხვედრა არასამთავრობო ორგანიზაციებს შორის. შეხვედრის ორგანიზატორი იყო საქართველოს წითელი ჯვრის საზოგადოების კატასტროფების მართვის დეპარტამენტი, რომელიც რეგულარულად აწყობს მსგავსი ხასიათის სამუშაო შეხვედრებს. ღონისძიებაში მონაწილეობა მიიღო არასამთავრობო ორგანიზაციების 24-მა წარმომადგენელმა და ასევე ოთხი პიროვნება იმყოფებოდა სამთავრობო სტრუქტურებიდან.

2010 წლის 30 ივლისს სწჯს-ს ინიციატივით მოეწყო წითელი ჯვრისა და წითელი ნახევარმთვარის საერთაშორისო მოძრაობის პარტნიორების ერთობლივი შეხვედრა ქალაქ თბილისის საკრებულოს თავმჯდომარესთან ბატონ ზაალ სამადაშვილთან.

2010 წლის 11 ივნისს ქ. გარდაბანში, ხოლო 15 ივნისს ქ. საგარეჯოში გაიმართა ,,მრგვალი მაგიდა" ადგილობრივი ხელისუფლების, სწჯს-ს მოხალისეთა და პროექტის ბენეფიციართა, მასმედიისა და არასამთავრობო ორგანიზაციების წარმომადგენელთა მონაწილეობით. სწჯს-ის მოხალისეთა ჯგუფებმა წარმოადგინეს ანგარიშები გაწეული საქმიანობის შესახებ. აღნიშნული ღონისძიებები განხორციელდა პროექტის ,,ფილიალების განვითარება ეფექტური მომსახურების გაწევით" ფარგლებში, რომელიც წითელი ჯვრისა და წითელი ნახევარმთვარის საზოგადოებათა საერთაშორისო ფედერაციის (დანიის წითელი ჯვრის დაფინანსება) მხარდაჭერით მიმდინარეობს.

2010 წლის 6 ივლისს სწჯს-ის სათაო ოფისის სამი თანამშრომელი ეწვია სწჯს-ის ახალციხის ფილიალს და მოაწყო სემინარი, რომლის შედეგადაც ფილიალის ხელმძღვანელობამ და ცხრა მოხალისემ აიმაღლა ცოდნა წითელო ჯვრისა და წითელი ნახევარმთვარის საერთაშორისო მოძრაობასთან დაკავშირებით. სწჯს-ს თამანშრომლებმა დამსწრე საზოგადოებას გააცნეს საქართველოს წითელი ჯვრის საზოგადოებასთან ურთიერთობის სტრატეგიული მიმართულებები იმისათვის, რომ გაუმჯობესდეს სწჯს-ის ხილვადობა და იმიჯი რეგიონებში.

2010 წლის 2 ივლისს 11 საათზე საქართველოს წითელი ჯვრის საზოგადოების სათაო ოფისში (ჯ.კახიძის 15) მოეწყო პრესკონფერენცია, რომლის ფარგლებშიც მოხდა სამხრეთ კავკასიაში უსაფრთხო ადგილობრივი თემების განვითარების რეგიონული პროგრამის (DIPECHO)პრეზენტაცია.

საქართველოში მოქმედი ბიზნეს სექტორი ამჟღავნებს სოციალურ პასუხისმგებლობას. 2010 წლის 28 ივნისს შპს ტავ ურბან საქართველო-თბილისის საერთაშორისო აეროპორტის გენერალურმა დირექტორმა ბ-ნ მეთე ერკალიმ და საქართველოს წითელი ჯვრის საზოგადოების გენერალურმა მდივანმა ბ-ნ გოჩა ღუჭაშვილმა ხელი მოაწერეს ურთიერთთანამშრომლობის ხელშრკრულებას კორპორაციული თანამშრომლობის პროგრამის ფარგლებში.

2010 წლის 17-19 ივნისს სწჯს-ის სამი თანამშრომელი სამუშაო ვიზიტით იმყოფებოდა აზერბაიჯანის წითელი ნახევარმთვარის საზოგადოებაში. ვიზიტის მთავარ მიზანს წარმოადგენდა გამოცდილების გაზიარება ფონდების მოძიების სფეროსა და ნაღმების პროგრამასთან დაკავშირებით. გამოცდილების გაცვლის მიზნით მოეწყო შეხვედრები მასპინძელი ეროვნული საზოგადოების თანამშრომლებთან, რომლებმაც სწჯს-ის წარმოამგენლებს მიაწოდეს ინფორმაცია ზემოხსენებულ სფეროებთან დაკავშირებით.

2010 წლის 4 ივნისს ომის ფეთქებადი ნარჩენების საკოორდინაციო ცენტრსა (ოფნსც) და საქართველოს წითელი ჯვრის საზოგადოებას (სწჯს) შორის ხელი მოეწერა ურთიერთშეთანხმების მემორანდუმს საქართველოში ნაღმებისა და ომის ფეთქებადი ნარჩენების (ოფნ) მსხვერპლთა შესახებ არსებული მონაცემებისა და მათ საჭიროებებთან დაკავშირებული ინფორმაციის გაცვლის შესახებ.

2010 წლის 1 ივნისს სწჯს-ის გარდაბნის ფილიალში ჩატარდა ბავშვთა დაცვის საერთაშორისო დღისადმი მიძღვნილი საქველმოქმედო ღონისძიება, რომელშიც მონაწილეობა მიიღეს ბავშვმებმა იძულებით გადაადგილებული ოჯახებიდან. ღონისძიებისთვის საჭირო ფონდები მოძიებულ იქნა ამავე ფილიალის მოხალისეთა ჯგუფის "ახალგაზრდა მოხალისეების" მიერ.