2010 წლის 21 იანვარს საქართველოს წითელის ჯვრის საზოგადოებამ, მოხალისეთა ინიციატივით ფონდების მოძიების აქცია განახორციელა, რომელიც  მიზნად ისახავდა ჰაიტის მიწისძვრის შედეგად დაზარალებული მოსახლეობისათვის თანხის შეგროვებასა და მათ დახმარებას.

სწჯს-ის მოხალისეებმა ფონდების მოძიება თბილისის ტექნიკური უნივერსიტეტის მე-6 კორპუსიდან დაიწყეს, ფეხით გაიარეს მანძილი თბილისის ივ. ჯავახიშვილის სახელობის თბილისის სახელმწიფო უნივერსიტეტამდე სადაც აქცია უნივერსიტეტის შენობაშიც გაგრძელდა.  უნივერსიტეტის ადმინისტრაციის ნებართვითა და დახმარებით სწჯს-ის წარმომადგენლებს შესაძლებლობა მიეცათ შესულიყვნენ ბიბლიოთეკებში, სადაც სტუდენტები მეცადინეობენ და გაეკეთებინათ განცხადება ფონდების მოძიების აქციის შესახებ.

სწჯს-ის გამოყენებულ იქნა ბანერები, რომლებიც მოუწოდებდა მოსახლეობას დახმარებოდნენ ჰაიტის მიწისძვრის შედეგად დაზარალებულ მოსახლეობას. ბანერზე ილუსტრირებული იყო მიწისძვრის შემდგომი ჰაიტის დღევანდელი მდგომარეობა და სწჯს-ის ნომერი - 8064 რომელზე დარეკვის შედეგადაც შესაძლებელია ფულის ჩარიცხვა მიწისძვით დაზარალებულთა ფონდში.

უნდა აღინისნოს, რომ დილით დაწყებული ფონდების მოძიების აქცია საღამოს 6 საათზე დასრულდა და სწჯს-ის მოხალისეების ენთუზიაზმისა და აკტიურობის ხარჯზე მოხერხდა გარკვეული თანხის შეგროვება.

საქართველოს წითელი ჯვრის  საზოგადოება მოხალისეების დახმარებით შემდგომშიც გეგმავს ანალოგიური აქციების ჩატარებას ჰაიტიში მიწისძვრის შედეგად დაზარელებული მოსახლეობის დასახმარებლად.